День пионерии

21.05.2019

Пионер тэриллибитэ 95 сылыгар аналлаах костер.

Ыам ыйын 18 күнүгэр Н.Д.Субуруускай аатынан Болтоҥо орто оскуолата пионерия тэриллибитэ 95 сылын уруйдаан айылҕаҕа тахса сырытта. Бу тэрээһиҥҥэ учууталлар, алын кылаас үөрэнээччилэрэ илии-илиигэ сиэттиһэн улуу учуонай, лингвист, тылбаасчыт С.А. Новгородов төрөөбүт сиригэр Чуораайыттаҕа көй салгынынан тыынан сэргэхсийэн сатыы хааман тиийбиттэрэ. Онтон 5-тэн 8 кылааска диэри үөрэнээччилэр 3 хамаандаҕа арахсан КП көрдөөн  бириэмэҕэ күрэхтэһэн сүүрэн кэлбиттэрэ. Бу түгэҥҥэ хас биирдии оҕо бэйэ-бэйэтин көрөн-истэн, улахан оҕолор кыраларга убай, эдьиий курдук сыһыаннаһан эйэ-дэмнээх, эн-мин дэсиһэр быһыы-майгы олохтоммута.

Тиийиэхтээх сирбитигэр кэлэн пионер тиэмэтигэр ыраас халлаан анныгар аһыллыыбыт буолла. Дария Николаевна Ефремованы пионерия үбүлүөйдээх сылынан эҕэрдэлээн туран эҕэрдэ сурук уонна кыра бэлэхп туттардыбыт. Уонна быйыл алын сүһүөҕү бүтэрэр кылааспыт “Кэскил” оҕо тэрилтэтигэр киирэллэринэн сибээстээн эҕэрдэ тылбытын этэн күөх галстук баайдыбыт. Торжественнай чааһын түмүктээн, бары биир дьиэ кэргэн курдук, уһун остуол тардан үөрэ-көтө аһаатыбыт. Бу кэнниттэн 10 кылаас үөрэнээччилэрин салайыыларынан, туризм көрүҥнэринэн 8 ыстаансыйалары тэрийэн, күрэхпит салҕыы барбыта. Онтон алын кылаастар араас бэһиэлэй, маассабай ооньуулары оонньоон бириэмэлэрин туһалаахтык атаарбыттара. Күрэх түмүгүнэн Кампеев Дима хамаандата 3 миэстэ, К. Миша хамаандата 2 миэстэ уонна Т. Миша хамаандата 1 миэстэни ылар чиэскэ тиксибиттэрэ. Бу курдук тэрээһиммитин бэрт сэргэхтик, бары биир сомоҕо буолан ыыттыбыт.

 

Просмотров всего: , сегодня:

Дата создания: 21.05.2019

Дата обновления: 21.05.2019

Дата публикации: 21.05.2019

Наверх
Продолжая использовать данный сайт, Вы даете согласие на обработку своих персональных данных.